مغامرات الاسبوع الصحيه و الطبية !!

مســـى الخير ..

شلونكم حبايب قلبي

خل اقولكم مغامرتي امس و عموما الاسبوع اللي طاف كله مغامرات طبيه و صحية

انا فيني طبع اذا تعبت و مرضت اسلم روحي تسليم شرعي حق المستوصف او المستشفى ما انطر ماما او اخوي يوديني لا من نفسي ارووح و اقط روحي قط عالطبيب اللي حصل ان ...

تاريخ 3- 11 - 2008

اكيد تذكرون هاليوم كان مطر ما شاء الله مطر قوي

انا و اعوذ بالله من كلمة انا احتفلت بهالجو الحلو بطريقة المرض استغفر الله

بلاعيمي كانو شايشين علي و رحت الطبيب قبل روحتي الجامعه و طلع فيني صديد !!!!!

و كان ردت فعل الدكتووووره : أووووووه صدييييييد محترم !!! علطول روحي اخذي ابر مضادات حيويه لازم تاخذين 6 أبر كل يوم وحده !!!!

طبعا برونزيه ما عندها اعتراض على الأبر و لكن اعتراضها كان على مكان الأبر :\

رحت عند السستر و خذيت المقسوم و رديت الجامعه ظليت على هالحال ليييي أمس !!!

أمس 6-11-2008

الساعه 3:20 الفير !!

حسيت بألم مو طبيعي بأسناني و طبعا خمنت و تخميني صحيح !!!

ضرس العقل بيطلع قلت وااااااي مو وقته بلاعيم و ضرس !!!!

الساعه 7:30 كنت بالمستوصف نطرت طبيبة الأسنان دشيت عليها كان الحوار كالآتي :

الطبيبة : عسى ما شر برونزيه شنو تشتكين منه ؟

انا : دكتوره ضرسي اخر شي تحت يعورني احس ان ضرس العقل بيشق !!

الطبيبة : ويييي ليش بالله على اي اساس قلتي ضرس العقل ليش انتي جم عمرج اللي قررتي ضرس العقل ؟

ملاحظة : انا شكلي اصغر من عمري بس مو لي هالدرجه تكسر فيني الطبيبه !!

أنا : 21 سنه

الطبيبة : اها مو مبين عموما بطلي حلجج خل اطالع @@

انا : اوكي

( بطلت حلجي )

الطبيبة : وي صاجة ضرس العقل ماشاء الله عليج جكيتيه

انا : اي دكتوره ما يبيله ذكاء يعني عمري 21 بهالعمر يطلع ضرس العقل شي طبيعي !

الطبيبة : اي عدل .. المهم هاج روحي سوي اشعه بمستوصف مادري شنو سمته و تعالي يوم الأحد و بالويك اند اخذي لج مسكن ديلكو فاست و على اساس الاشعه اذا جذورج طالعين بشكل عوي لازم جراحه نحولج على الأميري و اذا جذورج طالعين عدلين صبري بعد شتسوين؟

انا : ويهي صار عليه علامات تعجب و استفهام !!!!؟؟؟؟؟؟ مشكوره دكتورة

الطبيبة : العفو

طلعت رحت الجامعه لفيت على دكاترتي و اعتذرت تعبانه ماقدر اداوم و يحليلهم اعذروني

طلعت من الجامعه دقيت على ماما و صار هذا الحوار :

انا : ماما متى تطلعين من دوامج ؟

ماما : 12:20 ليش شفيج ؟؟؟

انا : ماما تر ضرسي شايش علي و مادري شسوي رحت عند الاسنان الصبح قالت نطري لي الاحد ! و انا ما اتحمل العوار الصراحه

ماما : من صجج انتي يبا روحي عيادة الميدان

انا : زين ماما بالله قالو بنشلعه لج شغبر بعمري ؟؟؟؟

ماما : وه احسن خل يشيلونه ترتاحين احسن من العوار قطيعه سأليني عن عوار الضرس مجربته ا ارتحت الا لما شلته روحي يمه توكلي على الله لا تخافين و انا استأذن من دوامي و امرج بس أي عيادة شرق وله حولي ؟؟

انا : تر مادل اللي بشرق مالي خلق اضيع بروح اللي بحولي .

ماما : اي اي توكلي على الله روحي و شوفي شيصير معاج ودقي

انا : اوكي ان شاء الله باي

ماما : بيباي

رحت العياده اللي بحولي طبعا اللي بالريسيبشن ما رضت تدخليني قالت لازم موعد مسبق و لا واحد طول و عرض و بدله و مشيب شوي قال لها شنو حالتها بنيتنا ؟

قالت تبي موعد حق ضرس العقل دكتور ؟؟

جان يقول ضرس العقل و تعطينها موعد دخليها علي الحين اكيد البنت متأذيه !!!

انا قلبي قام يرقع قلت واي هالدكتور متستشر فيه شر اخاف يكون دفش !!

دخلوني اشعه و رحت قعدت بهالكرسي الخايس مال طبيب الاسنان

وله شفت ضروسي بالكمبيوتر قالي اووه برونزيه شهالجذووور شهالجذووووور !!

مممممم

يلا تزهبي حق الجراحه !

قلت شنو بتشيله دكتور ؟؟

قال اي عيل بقعد اخزه ؟ اي بشيله وله راح يتعبج

قلت بقلبي مو وقته تنكت :\

طبعا عقب صراااااع ربع ساعه شال الضرس بغيت اصوره بس الملقوفه السستر قطته بالزباله كرمكم الله

بس للأمانه :

الدكتوووور كتعامل عسل عسل عسل عسل ايده لا اله الا الله خفييييفه و عطاني على كيييييفي

عطاني 5 ابر بنج هالحجي امس و للحين حنجي و برطمي ما احس فيهم قاعده اقول حق امي اخاف انشل ويهي :××××

و الاسبوع الياي عندي موعد

بس غلطة عمري شلعت ضرسي و انا مو متغدية

عيشتي على الموكا و التشوكليت فرابيتشينو و على الملكشيك و الايس كريم =((

ادعو لي ابطل حلجي عدل عشان اكل ماقدر ابطل حلجي =(((

عيد ميلادي المستقبلي !!!

مسى الخير شلونكم شخباركم

ان شاء الله بخير ,,, =))

مممم في البداية ببدي موضوعي بمعلومه تهمني انكم تعرفونها بما لها من عوائد ماديه P:

عيد ميلادي في 12-11 خخخخ هالله هالله بالهدايا=))

الموووهيييم

يتلي هديه امس قبل على اساس انها هديه عيد ميلادي من خالي على اساس ان يبي يسافر مرافق مريض و راح يطول

و عشتو ما يصير يمر عيد ميلادي من غير ما يذكرني او يعطيني شي

مر علي دش داري برونزيه هاج هديه عيد ميلادج ادري مبجر بس تدرين ان بسافر و ادري فيج زعوليه خخخخخ

قلت له شدعوه خو الواحد يمر بظرووف <<< يعني يكون منهم و اسلوب خخخ

قال لا يبا انتي الغاليه و من هالحجي يالله من فضلك ..

ياب لي صندووووق

كيوووووووووووووووووت

بطـــــلته وله .........

لاااااااااااااااااااااااااب توب

عنووووونووووو =)))) امبيه يشووووووووووووووق

اللي خلاني انزل هالبوست و عطاني فكرة اكتب عن لاب توبي اهو اخووووي ديكااااتي قريت بوسته و ذكرني =)))

ايسر شاشته 8 انش بروسيسر اوتم 120 قيقا و 1 قيقا رام مع كام =)))) عنووووووووووونو فديته =)))

شرايكم فيه =))

I NeeD HeLP !!

مســـى الخير حبـــايبي شلونكم شخباركم

لحــــقو علــــــــــي

I NeeD HeLP

دكتوري المصـــون طالب مني اكتب تقرير و اسوي بريزنتيشن عن البووورصـــة و أوضاعها الحاليــــه في الكويت و بالعالم ....

و اكتب عن الاوضاع الاقتصــــاديه

ساعدوني شنو السايتات اللي تفيدني ترى حدي مالي بهالســـوالف كلش ماعرف :××××

و ما افهم يعني بسوي كوبي و و بيست و بحفظ صم وبشرح بحفظ بدون فهم :××××

و يسلموووو مقدمـــــــا =(((

مممم !!

مســـى الخير =))

امبيه انا غيرت دزاين البلوق

مبين عند رفيجتي بس مو مبين عندي لووووووول

مادري عبيط البلوق

ودي اعرف بين عندكم ؟؟؟؟ =)))

و ميرسوووووو اوي اوي

لمـــا تقول اشوفكم على خير و ما ترد !!!

هااااااااااي مسى الخير عليكم جمـــيعا شلونكم شخباركم =)))

في شي محيـــرني حيل حيل حيل

و ابيكم تشاركوني بالتفكير على الاقل طبعا ترجمو تفكيركم على احرف الكيبورد>> يعني يكون اسلوب هههه

شخـــص اهتم لأمره وايد يعز علي وايد و من اهـــلي شخص مقرب حيل حيل لي

من قبل رمضـــان سافر .... قالنــــا اشوفكم على خير

ليـــه يومكم .... لا حـــــس و لا خبر !!!!!

عن الحـــلال و الحـــرام يالي مسج انا بخير و ديرو بالكم على روحكم !!! دقيت محد يرد ادز مسج ما حصلت الا الحقـــران

ابي تفسير مقنع للي يصير !!!

و ميرسي حبايب قلبي =)

Back To ColleGe

اشتقت لكم حديييييييي =)))))

و بــــــاك تو كولج و باك تو عوار قلب

باك تو تفافيل الدكتور و الله يعين أول سطره على المطر اللي راح يهل عليهم

مشتاقة للدوام ؟؟ لا !!! مشتاقة حق لوية المصافط ؟؟ أكيـــد لا

الكولج دوام و شـــــر لاااااااااااااابد منه !!

إلى لقــــــــاء مع بوست يديد و ان شاء الله تصير احداث عبيطه عشان احطها لكم =))

سي يو اووووووووووووووول

LuVKom

ملاحظــــة : باركولي ,,,, تحجبت =))))

برونزيه و واير الشاحن !

صباح الخير شلونكم حبايبي شخباركم ,,,
اليوم اخترب واير الشاحن ما قام يشحن وهقـــني ,,

و انا يعني يكون منهم صلحته =))

طبعـــا الأداة هي السجينه و التيب و آخر صورة تبين الليت البرتقالي شب يعني اشتغــــل =)))))
و راح اوريكم الصور =)