مســـى الخير ..
شلونكم حبايب قلبي
خل اقولكم مغامرتي امس و عموما الاسبوع اللي طاف كله مغامرات طبيه و صحية
انا فيني طبع اذا تعبت و مرضت اسلم روحي تسليم شرعي حق المستوصف او المستشفى ما انطر ماما او اخوي يوديني لا من نفسي ارووح و اقط روحي قط عالطبيب اللي حصل ان ...
تاريخ 3- 11 - 2008
اكيد تذكرون هاليوم كان مطر ما شاء الله مطر قوي
انا و اعوذ بالله من كلمة انا احتفلت بهالجو الحلو بطريقة المرض استغفر الله
بلاعيمي كانو شايشين علي و رحت الطبيب قبل روحتي الجامعه و طلع فيني صديد !!!!!
و كان ردت فعل الدكتووووره : أووووووه صدييييييد محترم !!! علطول روحي اخذي ابر مضادات حيويه لازم تاخذين 6 أبر كل يوم وحده !!!!
طبعا برونزيه ما عندها اعتراض على الأبر و لكن اعتراضها كان على مكان الأبر :\
رحت عند السستر و خذيت المقسوم و رديت الجامعه ظليت على هالحال ليييي أمس !!!
أمس 6-11-2008
الساعه 3:20 الفير !!
حسيت بألم مو طبيعي بأسناني و طبعا خمنت و تخميني صحيح !!!
ضرس العقل بيطلع قلت وااااااي مو وقته بلاعيم و ضرس !!!!
الساعه 7:30 كنت بالمستوصف نطرت طبيبة الأسنان دشيت عليها كان الحوار كالآتي :
الطبيبة : عسى ما شر برونزيه شنو تشتكين منه ؟
انا : دكتوره ضرسي اخر شي تحت يعورني احس ان ضرس العقل بيشق !!
الطبيبة : ويييي ليش بالله على اي اساس قلتي ضرس العقل ليش انتي جم عمرج اللي قررتي ضرس العقل ؟
ملاحظة : انا شكلي اصغر من عمري بس مو لي هالدرجه تكسر فيني الطبيبه !!
أنا : 21 سنه
الطبيبة : اها مو مبين عموما بطلي حلجج خل اطالع @@
انا : اوكي
( بطلت حلجي )
الطبيبة : وي صاجة ضرس العقل ماشاء الله عليج جكيتيه
انا : اي دكتوره ما يبيله ذكاء يعني عمري 21 بهالعمر يطلع ضرس العقل شي طبيعي !
الطبيبة : اي عدل .. المهم هاج روحي سوي اشعه بمستوصف مادري شنو سمته و تعالي يوم الأحد و بالويك اند اخذي لج مسكن ديلكو فاست و على اساس الاشعه اذا جذورج طالعين بشكل عوي لازم جراحه نحولج على الأميري و اذا جذورج طالعين عدلين صبري بعد شتسوين؟
انا : ويهي صار عليه علامات تعجب و استفهام !!!!؟؟؟؟؟؟ مشكوره دكتورة
الطبيبة : العفو
طلعت رحت الجامعه لفيت على دكاترتي و اعتذرت تعبانه ماقدر اداوم و يحليلهم اعذروني
طلعت من الجامعه دقيت على ماما و صار هذا الحوار :
انا : ماما متى تطلعين من دوامج ؟
ماما : 12:20 ليش شفيج ؟؟؟
انا : ماما تر ضرسي شايش علي و مادري شسوي رحت عند الاسنان الصبح قالت نطري لي الاحد ! و انا ما اتحمل العوار الصراحه
ماما : من صجج انتي يبا روحي عيادة الميدان
انا : زين ماما بالله قالو بنشلعه لج شغبر بعمري ؟؟؟؟
ماما : وه احسن خل يشيلونه ترتاحين احسن من العوار قطيعه سأليني عن عوار الضرس مجربته ا ارتحت الا لما شلته روحي يمه توكلي على الله لا تخافين و انا استأذن من دوامي و امرج بس أي عيادة شرق وله حولي ؟؟
انا : تر مادل اللي بشرق مالي خلق اضيع بروح اللي بحولي .
ماما : اي اي توكلي على الله روحي و شوفي شيصير معاج ودقي
انا : اوكي ان شاء الله باي
ماما : بيباي 
رحت العياده اللي بحولي طبعا اللي بالريسيبشن ما رضت تدخليني قالت لازم موعد مسبق و لا واحد طول و عرض و بدله و مشيب شوي قال لها شنو حالتها بنيتنا ؟
قالت تبي موعد حق ضرس العقل دكتور ؟؟
جان يقول ضرس العقل و تعطينها موعد دخليها علي الحين اكيد البنت متأذيه !!!
انا قلبي قام يرقع قلت واي هالدكتور متستشر فيه شر اخاف يكون دفش !!
دخلوني اشعه و رحت قعدت بهالكرسي الخايس مال طبيب الاسنان
وله شفت ضروسي بالكمبيوتر قالي اووه برونزيه شهالجذووور شهالجذووووور !!
مممممم
يلا تزهبي حق الجراحه !
قلت شنو بتشيله دكتور ؟؟
قال اي عيل بقعد اخزه ؟ اي بشيله وله راح يتعبج
قلت بقلبي مو وقته تنكت :\
طبعا عقب صراااااع ربع ساعه شال الضرس بغيت اصوره بس الملقوفه السستر قطته بالزباله كرمكم الله
بس للأمانه :
الدكتوووور كتعامل عسل عسل عسل عسل ايده لا اله الا الله خفييييفه و عطاني على كيييييفي
عطاني 5 ابر بنج هالحجي امس و للحين حنجي و برطمي ما احس فيهم قاعده اقول حق امي اخاف انشل ويهي :××××
و الاسبوع الياي عندي موعد
بس غلطة عمري شلعت ضرسي و انا مو متغدية
عيشتي على الموكا و التشوكليت فرابيتشينو و على الملكشيك و الايس كريم =((
ادعو لي ابطل حلجي عدل عشان اكل ماقدر ابطل حلجي =(((
27 التعليقات:
لوول
الحمدلله على السلامة
انا شلته بالميدان عند دكتور اعتقد اسمه نائل الهزيم خوش دكتور
:)
ماتشوفين شرر
شكله صج كنتي تعبانه حيل
اسنان وسخوونه يمااا انا
و كانت ايامج كلها ابر لوول
يعطيج العافية
ويييه الله يعينج
الضرس لي بدا يعورج لوعة
بس حرام عليه ليش 5 ابر!! من صجه؟ كثرت البنج موزينه حق الويه
بس ان شاء الله يخف البنج
وماتشوفين شر حبيبتي
لووول لا انتي ابدعتي هالإسبوع
انا للحين مو متصور شنو العوار مال ضرس العقل ما ادري اشلون
اذا طلعلي راح اوصفلج العوار وقوليلي اذا اهوه او لأ \
لووول
سيكرت ايييي ولد الهزيم بس ما كنت اعرف اسمه
بس قالي انا دكتور الهزيم و هذا كرتي اي مضاعفات تحسينها دقي خوش دكتور يهبل
الله يسلمك و يخليك =)))
الشر ما اييك كويت ماستر اييي و الله تعبت
توني يايه ماخذه اخر ابرة بنسلين مالت الصديد :\
لي حد الحين خذيت 6 ابر صديد ابره مسكن 5 ابر بنج لوووول
الله المستعان
الله يعافيك و يخليك
بنت بوند واي واي ما نمت الفير احوس و حالتي حاله
5 ابر ما حسيت بعوار خير شر بس ذبجني الضغط احس الفك بينكسر بس الدكتور شاطر =)))
و الشر ما اييج يا عمري
ديكاتي الله لا يوريك عوار الضرس يبوووووووووووووووي يحوسك حووووس
انا خل يرتاح ويهي باقي لي ثلاثه لازم اشيلهم
على قولت امي لس شلتيهم بشري بالفجات اللي بين الضروس لوووووووول يصير ويهج شعبي
قلت وي لا شعبي ولا قومي احلى تقويم و ارتاح لول
اهو كان يووووم طوييييل بهالمرض
بس زين يعني شلتي وفتكييتي ورتحتي وانشالله يروح البنج :>
سلامات ماتشوفين شر
جوفي مره ثانيه اذا صارلج شي دقي عليي انا امرج من الدوام ونروح العياده الي بشرق و عقب ما نخلص نروح ابل بيز نتريق نشرب شي و بعدين نقعد على البحر و نشرب هوت جوكلت و اردج البيت و وبعدين بدام انتي ماخذه اجازه اوديج جبد نقعد مع الطيور و الحمام و الدياي ترى والله وناسه و على المغربيه انسويلج حفله بمناسبه سلامتج
عبيدو صج كان يوم طويل و حاليا ميته من العوار و البنج فج عن الخياط بس برطمي خدراااااااااااااان و حنجي ما احس فيه :\
الشر ما ييك يسلمك ربي =)
بلاك تايقر مخططك حلو بس مع الاسف ماكو مجال للاجازه قربت امتحانات الميدتيرم :\
حظي مو شي كلشو مانع عني اي شي حار كله ايسكريم و شي مثلج :\
و حدك شوقتني عالهوت تشوكليت :××
سيكرت عندي جم سؤال ؟؟
لما شلت الخياط خذيت موعد ؟؟
و نفس الدكتور شال الخياط وله السسترات ؟؟
و يعور ؟؟؟
قدرت تبطل حلجك ؟؟؟ لان لي ثالث يوم و ماقدر ابطل حلجي كله بالمصاص او قفشه بيبيات :\
تكفين برونزية انتي شنو مسوية بنفسج؟
/= والله انتي قاعدة اتيبيين المرض حق نفسج
والله ترى مو زين كثرة الابر وزيارة الطبيب
خلج على كل شي طبيعي يعني الطب الشعبي على قولتهم احسن من هالسموم اللي يعطونج اياها
بنت بوند شسوييييي
6 ابر بنسلين عشان الصديد اللي في بلاعيمي خلصتهم اليوم سادس ابره
و ابره وحده امس ثاني يوم من شلعت الضرس كانت مسكن لان مو متصوره ما انام بس الفير احوس اصعد و انزل و افتر بالصاله وله بالدار
و خمس ابر بنج :\
سلامات
جست تو قيف كومنت
الله يسلمك
خوش مغامرات
سلامات
ما تسوى عليج و الله
أجر و عافية
سلامي لج :)
براك يسلمو =)
ميرسي عالمرور الكريم في البلوق =)
نورت
الكويت حبي
الشر ما ييك اي و الله ما تسوى علي !!!
شسوي بعد =))
تخيلو متى شلت الضرس ؟؟؟
تر امس شلت الخياط :\\\ ما رضى يتسكر الجرح براحه معنى و الله ما فيني سكر :\\\
عموما افتكيت و الشهر الياي عندي موعد ان شاء الله ما يشيلون ضرس بعد يوهقوني !!!!
مرحبا كيف الحال انتي موجوده للحين ولا شنو الموضوع يا القاطعه
للحين موجوده ديكاتي P;
e7m
where r u ? :D
hi loool
طول الغياب!!
:)
إرسال تعليق